Жаңалықтарды Telegram арнамыздан оқыңыз!Түркістан қаласының әкімдігі ата-ана қамқорлығынсыз қалған жастарға берілуі тиіс баспананы үлестірмей келген. Заңбұзушылық қалалық прокуратураның кезекті тексеруі кезінде анықталды. Пәтерлер бір ай бұрын берілуі тиіс болған, алайда бұл шаруаны жауапты мамандар себепсіз тежеген. Кінәлі тұлғаларға әкімшілік айыппұл салынып, сөгіс жарияланды. Тәртіптік жауапкершілікке тартылған. Ал, жетім балаларға берілген 40 пәтер жиһазбен жабдықталып, тұрмысқа керекті заттармен толықтырылды.
Махаббат Құдайберген, қала тұрғыны:
Үй кезегіне 2012 жылы тұрғанбыз. 2017 жылы баспанаға қолым жетті. Бірақ белгілі себептермен ол кезде ала алмадым. Қазір өз үйімнің кілтін алдым.
Күмісхан Таңатов, қала прокурорының орынбасары:
Бара бар әдісімен бөлу барысында тұрғын үй қатынастары туралы заңының талаптары анықталып, анықтау нәтижесімен прокурорлық қадағалау актісі енгізіліп, өз пәтерлері табысталып, олардың Конституциялық құқықтары қалпына келтірілді.
Айнұр Ақбаева
