Жаңалықтарды Telegram арнамыздан оқыңыз!Зейнетақы қорына қосымша 5% жарна төлеу бейресми жұмыс істейтіндерді көбейтеді. Осылай деген Атамекен кәсіпкерлер палатасының өкілдері қазір бизнестің 5 түрлі төлем жасайтынын айтты. Бұл – жеке табыс салығы, әлеуметтік төлем, зейнетақы қорына жарна, әлеуметтік сақтандыру мен медициналық сақтандыру қоры. Олардың жалпы жүктемесі 34%. Келер жылдан бастап жұмыс берушілер зейнетақы қорына қызметкер табысының 5% мөлшеріндегі жарнаны өз қаражаты есесбінен төлейді. Палата өкілдерінің айтуына қарай, талап енгізілсе, кәсіпкерлер жұмысшы жалақысын 5%-ға төмендетуі мүмкін. Сонымен бірге көлеңкелі бизнеске көшетіндер көбейеді деп қауіптенеді. Олар табысын жасырып жұмыс істейтіндер онсыз да көп деп санайды.
