Жаңалықтарды Telegram арнамыздан оқыңыз!Ақмола облысында өрттен төрт адам көз жұмды. Красный Яр ауылында екі қабатты үйдегі бір пәтер түнгі сағат 4 шамасында отқа оранған. Оқиға орнында төрт адамның денесі табылды. Барлығы бір отбасының мүшелері. Олар 1991 және 1993 жылы туған ерлі-зайыптылар мен олардың екі баласы. Өрт сөндірушілер келгенше, баспанадан екі адам шығып үлгерген. Алдын-ала болжам бойынша өрттің шығуына электр сымдарының тұйықталуы себеп болған.
Сондай-ақ, бүгін Ақтөбе облысының Қандыағаш қаласында бес қабатты үй өртенді. Оқиға кеше кешке болған.
Абырой болғанда адамдар аман. Алайда, құтқарушылар түтін ортасында қалған 4 адамды құтқарды. Оның екеуі бала, екеуі қарт кісі. Сондай-ақ, 50 адам қауіпсіз жерге шығарылды. Оқиға орнына екі арнайы көлік пен 8 маман тез арада жетті. Төтенше жағдайлар департаментінің мәліметінше, екінші қабаттағы пәтерлердің бірі өртеніп, 50 шаршы метр аумақ жанған. Көк түтін көрші пәтерлерге тарап, адамдар өміріне қауіп төндірген. Қазір оқиғаның себеп-салдары тексеріліп жатыр.
