Жаңалықтарды Telegram арнамыздан оқыңыз!Президент Қасым-Жомарт Тоқаев Украинадағы Қазақстан азаматтарын эвакуациялауға қосқан үлесі үшін бірқатар азаматтарды марапаттады.
Қазақстан Республикасының азаматтарын Украинадан эвакуациялау жұмыстарын сәтті ұйымдастырғаны үшін мына азаматар наградталды:
Қазақстан Республикасының Украинадағы төтенше және өкілетті елшісі Калетаев Дархан Аманұлы ІІІ дәрежелі «Барыс» орденімен;
Қазақстан Республикасының Украинадағы елшілігінің кеңесшісі Қызыр Думан Манарбекұлы І дәрежелі «Айбын» орденімен;
Харьков қаласындағы қазақ диаспорасының жетекшісі Қаражанова Макка Сағынғалиқызы, Қазақстан Республикасының Львов қаласындағы құрметті консулы Маслюк Галина Дмитриевна ІІ дәрежелі «Достық» орденімен;
Қазақстан Республикасының Украинадағы елшілігінің кеңесшісі (консулдың міндетін атқарған) Әлібеков Аслан Аманжолұлы «Құрмет» орденімен;
«Ерен еңбегі үшін» медалімен Қазақстан Республикасының Молдова Республикасындағы елшілігінің уақытша сенімді өкілі Жаманқұлов Рүстем Тұңғышбайұлы, Қазақстан Республикасының Румыниядағы елшілігінің консулы Кагенов Азамат Мағжанұлы, Қазақстан Республикасының Ресей Федерациясындағы елшілігінің екінші хатшысы – консулы Маманов Дархан Серікұлы, Қазақстан Республикасының Польша Республикасындағы елшілігінің бірінші хатшысы - консулы Сәбитұлы Бекзат;
«Шапағат» медалімен Қазақстан Республикасы Сыртқы істер министрлігінің департамент директорының орынбасары Амангелдин Руслан Берекеұлы, Қазақстан Республикасының Украинадағы елшілігі консулының көмекшісі Денисенко Анна Владимировна, Қазақстан Республикасының Украинадағы елшілігінің екінші хатшысы Қаржаубаев Азамат Құдайбергенұлы, Қазақстан Республикасындағы волонтерлік корпустың жетекшісі Тұяқбаев Шыңғыс Ермекұлы.
Жарлық қол қойылған күнінен бастап қолданысқа енгізілетіні белгілі болды.
