Жаңалықтарды Telegram арнамыздан оқыңыз!Сұхбат барысында Мемлекет басшысы Қаңтардағы оқиғадан үлкен сабақ алғанын жеткізді. Қазір елімізде болып жатқан саяси шешімдер соның нәтижесі. Елбасының 30 жылдық еңбегін жоққа шығаруға болмайды, бұл тарихқа қиянат деді. Ал Тұңғыш Президенттің қандай да бір кемшілігі болса, оларды сабақ ретінде қалдыру керектігін айтты. Мемлекет басшысы тіл реформасын жасау қажеттігіне де тоқталды. Мемлекеттің мәселесін мемлекеттік тілде айтуымыз керектігін жеткізді. Өйткені тіліміз бізден басқа ешкімге керек емес. Сондықтан ең алдымен өзіміз оған құрмет көрсетуіміз керек деді. Ал мемлекеттік қызмет эксперимент алаңы емес деген Президент саяси тазалаудың болмайтынын айтып, қоғам алдындағы ең маңызды мәселеге тоқталды.
Қасым-Жомарт Тоқаев, Қазақстан Республикасының Президенті:
Өкінішке қарай, заңды мойындағысы келмейтін азаматтар аз емес. Басқаша айтсақ, құқықтық нигилизм белең алуда. Ағаларымыз «Тәртіпсіз ел болмайды» деп баяғыда айтқан болатын. Менің ұстанымым: қоғамда заң мен тәртіп болса ғана, ел ішінде үйлесім, бейбіт өмір болады. Заң – кез келген өркениетті қоғамның бас¬ты өлшемі. Заң үстемдік құрғанда ғана әділетті қоғам қалыптасады. Біз міндетті түрде бұған қол жеткізуіміз керек. Бұл – менің нақты ұстанымым.
Қасым-Жомарт Тоқаев Президент сайлауына қатысты да пікір білдірді. Айтуынша, Конститутция бойынша екі мерзім берілген. Оны бұзуға болмайды деді. Десе де алдағы сайлауға қатысамын ба, қатыспаймын ба әлі айта алмаймын деді. Шешім қабылдап жатсам наурыздағы жолдауымда айтырмын деді.
