Жаңалықтарды Telegram арнамыздан оқыңыз!Талдықорған қаласына қарасты Еңбек ауылында пештен шыққан улы газдан 4 адам қаза тапты. Сот сараптамасы тағайындалды. Құзырлы органдардың алдын-ала мәліметінше, жалдамалы үйден ерлі-зайыпты мен екі баланың денесі табылған.
Жалпы, Алматы облысында бір айдан астам уақыт ішінде 135 өрт оқиғасы болған. Тілсіз жаудан 7 адам көз жұмған. Сондай-ақ, газға уланудың 4 дерегі тіркеліп, 6 адам қаза болған. Басты себеп - пештердің тазаланбауы, ондағы ақау дейді мамандар. Қызметкерлер үй-үйді аралап, ескерту парақшаларын таратып, арнайы дабыл құрылғыларын орнатып жатқанымен, халықтың өз қауіпсіздігіне деген немқұрайлығы басым.
Дәурен Азаматов, облыстық ТЖД басқарма басшысы:
Бірақ пештің ішінде толық отын жанбаған. Пештің ішіндегі заттар жартысы жанбаған. Сондықтан біз себебін солай болжап отырмыз. Бірақ ыс тию мүмкін деп болжап отырмыз. Бірақ оны сот сараптамасы бере алады.
