Жаңалықтарды Telegram арнамыздан оқыңыз!Қарағанды облысында ковидке шалдыққандардың көбеюіне байланысты мобильді топ саны да едәуір ұлғайды. Күн сайын науқастарға 184 бригада шығады, оның 37-сі - ауылды жерлерде. Тағы 145 бригада резервте тұр. Қазір кенді өңір індет жұқтырғандардың саны бойынша үшінші орында. Тек өткен тәулікте 2 мыңнан астам адамнан коронавирус анықталған. Сондықтан бір мобильді топқа күніне 30 шақыртуға дейін түседі. Олар науқасты мұқият тексеріп, ПТР тест алып, қажет болған жағдайда компьютерлік томографиядан өткізеді. Дәрі-дәрмек жеткізіп, екпе жасайды.
Балжан Мұса, Отбасылық денсаулық орталығының меңгерушісі:
Қарағанды қаласының №1 поликлиникасында 13 мобильді бригада өте қарқынды жұмыс істеп жатыр. Осындай эпидемиологиялық жағдайға байланысты бізде бір күнде мыңға жуық шақыртулар келеді. Қазір 13 мобильді бригада бір күнде 350-400 шақыртуға дейін барады.
Руслан Нұрланұлы
