Жаңалықтарды Telegram арнамыздан оқыңыз!Павлодар қаласында мектептің жертөлесінен өрт шықты. Бір жақсысы ғимарат ішінде оқушылар да, мұғалімдер де болмаған. Себебі, мектеп маусым айынан бері жөнделіп жатыр. Өрттің тұтануына мердігер фирма жұмысшыларының салғырттығы себеп болған. Дәнекерлеу аппаратынан ұшқан шоқ ескі жиһазға тиіп, алауға айналған. Мердігер енді әкімшілік жауапкершілікке тартылады.
Гүлмира Медиева, қалалық білім беру бөлімі басшысының орынбасары:
Бүгінгі күнде мұнда 2 мердігермен күрделі жөндеу бітіп жатыр. Сараптама бойынша 6-7 ай. Мердігер бізге тез арада, 1 айда бітіретінін айтты.
