Жаңалықтарды Telegram арнамыздан оқыңыз!«Рухани жаңғыру» бағдарламасы шеңберіндегі «Жаңа гуманитарлық білім. Қазақ тіліндегі 100 жаңа оқулық» жобасының қорытындысы жарияланды. Кембридж, Гарвард, Оксфорд секілді әлемнің беделді оқу орындарында пайдаланылатын, әйгілі авторлардың еңбектері қазақ тіліне аударылды. Оның ішінде Бертран Рассел, Энтони Кенни сынды британдық ғалымдар, классикалық араб ойшылдары, Жапон, Қытай мен Үндістан философтарының еңбектері бар. Оқулықтар әлеуметтану, тарих, мәдениет, тіл білімі, журналистика және экономикалық бағыттарды қамтиды. Оларды аударуға 4 жылдай уақыт кетті.
Рауан Кенжеханұлы, «Ұлттық аударма бюросы»ҚҚ атқарушы директоры:
Бұл оқулықтардың тексінде, электронды нұсқасы Қазақстанның ашық кітапханасы деп аталатын openu.kz және 100kitap.kz cайттарында орналастырылған. Оқимын деген студенттерге, осы оқылықтардың негізінді оқуларды ұйымдастырамын деген оқытушыларға барлық жағдай жасалды деуге болады.
Гуманитарлық бағыттағы 100 оқулықтың әрқайсысы 10 мың данамен жарық көрді. Қазір олар барлық жоғары оқу орындарының кітапханаларына жеткізілді, -дейді Ұлттық аударма бюросының өкілдері. Оқулықтардың негізінде қашықтан оқытуға арналған 200 онлайн курс пен 5 мыңнан астам бейнелекция әзірленді. Қазір платформаны 100 мыңнан астам адам белсенді пайдаланып отыр.
Дарын Сағитов
