Жаңалықтарды Telegram арнамыздан оқыңыз!Мемлекет басшысы Қасым-Жомарт Тоқаев бірқатар өңірдің әкімдерін қабылдады. Алматы, Шымкент қалаларының, Қарағанды, Ақтөбе, Солтүстік Қазақстан және Маңғыстау облыстарының әкімдері өздері басшылық ететін өңірлердің әлеуметтік-экономикалық көрсеткіштері туралы Президентке есеп берді. Аймақтарды одан әрі дамытудың перспективасы жөнінде баяндады. Сондай-ақ, Мемлекет басшысына өңірлердегі санитарлық-эпидемиологиялық жағдай туралы мәлімет берілді. Президент әкімдерге әлеуметтік маңызы бар тауарлар бағасының өсуіне жол бермеуді тапсырып, бірқатар нақты тапсырма берді.
