Жаңалықтарды Telegram арнамыздан оқыңыз!
Ақмола облысында 75 мыңға жуық адам коронавирус инфекциясына қарсы екпе алды. Бұл тұрғындардың шамамен 14 пайызы. Вакцина салдыру бойынша тәртіп сақшылары белсенді. Полиция қызметкерінің барлығы дерлік екпе жасатты.
Ал, Атырау облысында демалыс күндері 1300-ге жуық тұрғын вакцина салдыртты. Қазір дәрілік препараттың бірінші компонентін алғандардың саны 55 мыңнан асты. Мұнайлы өңірде эпидахуал мәз емес. Әсіресе қалада жағдай ушығып тұр. Инфекциялық стационарларда 460 адам жатыр. 29 науқас - жансақтау бөлімінде.
Нұрмұхамбет Бөкенұлы, реаниматолог:
Қыркүйек айынан бері жасап келе жатырмын осында. Күнделікті күнде жұмыс осылай. 24-те 7 деуге болады. Үйдегілермен қарым-қатынас телефон арқылы.
Жандос Темірғали
