Жаңалықтарды Telegram арнамыздан оқыңыз!Түркияда Thodex криптовалюталық биржасына алаяқтық жасады деген айып тағылып, 62 адам тұтқындалды. Бұл қаржы алаңы кеше сауданы еш ескерутсіз тоқтатқан. Салдарынан 391 мыңнан астам адам жеке шоттарына кіре алмай, шамамен 2 миллиард доллар жымқырылды деген күдік бар. Ал Thodex-тің бас директоры Фарук Фатих Өзер сәуірдің 20-да елден кетіп, әлеуметтік желілердегі парақшаларын өшіріп тастаған. Оқиғаға байланысты Ыстамбұл бас прокуратурасы тегеу жүргізіп жатыр. Өткен аптада ел үкіметі криптовалютамен сауда-саттық жасауға тыйым салған соң, түрік қор нарығында тұрақсыздық пайда болған.
Жансая Қапасқызы
