Жаңалықтарды Telegram арнамыздан оқыңыз!Шығыс Қазақстанда 16 оқушы энтеровирусты инфекцияға шалдықты деген күдік бар. Олар Ұлан ауданының Бозанбай ауылындағы орта мектепте оқиды. Бастапқыда сол елді мекендегі интернатта тұратын 3 баланың іші өтіп, дене қызуы көтерілген. Алдымен жергілікті дәрігер көріп, балалар Өскемендегі инфекциялық ауруханаға жатқызылды. Бұдан соң мектептегі тағы 13 оқушыдан осыған ұқсас ауру белгілері байқалды. Қазір олар амбулаториялық ем қабылдап жатыр. Бозанбай орта мектебінде барлығы 272 оқушы бар. Бүгіннен бастап барлығы онлайн форматта білім алуда. Оқиға орнында санитарлық-эпидемиологиялық қызмет өкілдері жұмыс істеп жатыр.
Қуат Оқасов, Ұлан аудандық білім бөлімінің басшысы:
Алғашқы диагноз дейміз ғой, соны энтеровирусты инфекция деп айтты. Ол ауа-тамшы арқылы жұғады. Тамақтан емес, мүмкін қолдан болды, тағы басқа себебі бар мүмкін. Қазір СЭС жұмыс жүргізіп жатыр.
Берік Көшербай
