Жаңалықтарды Telegram арнамыздан оқыңыз!Кей университеттер мүлде сабақ өткізбей студенттерге баға қойған. Білім және ғылым министрлігі тексеру барысында онлайн сабақтардың өзін өткізбей отырған жоғарғы оқу орындарын анықтады. Соған қарамастан студенттер емтиханға жіберілген. Бұл туралы білім және ғылым саласындағы бақылау комитетінің төрағасы мәлімдеді. Білім беру сапасына жүргізілген тексеру нәтижесінде министрліктің ескертпелерін елемеген бірнеше оқу орны жабылды. Жауапты мамандар білім сапасын жақсарту қатаң бақылауда болатынын ескертті.
Гүлзат Көбенова, ҚР БҒМ білім және ғылым саласындағы бақылау комитетінің төрағасы:Егер де осындай кемшіліктер болатын болса сіздер, мазалайтын мәселе болатын болса міндетті түрде министрлікке барлық телефондар көрсетулі электрондық адреске, Call-центр-ге хабарласуға болады. Сол мәселе бойынша тиісті жұмыс жүргізіледі.
Оңғар Алпысбайұлы
