Жаңалықтарды Telegram арнамыздан оқыңыз!Енді дәрі-дәрмектің рецептін электронды нұсқада алуға болады. Пациент үйінде ауырып, емханаға бара алмаса учаскелік дәрігермен әлеуметтік желі арқылы байланысып, қажетті дәрілер тізімін онлайн алады. Бұл нұсқаулықты дәріханалар қабылдауы тиіс. Денсаулық сақтау министрлігі өкілдері мұндай әдіс препараттардың халыққа қолжетімділігін қамтамасыз етеді деген пікірде. Жаңашылдық 7-ші қарашадан бастап күшіне енді. Ал коронавирустың екпіні тағы күшейсе дәрі-дәрмек қоры жеткілікті деп отыр мамандар.
Нұрлыбек Асылбеков, ҚР ДСМ санитарлық-эпидемиологиялық бақылау комитеті төрағасының орынбасары:-Рецепт жазып беруді жеңілдетіп отырмыз. Егер қағаз түрінде рецептінің өзімен ала алмаған жағдайда поликлиника дәрігері құқығы бар дәрігерге хабарласып, ватсап арқылы тағайындап берсе соны дәріханаға көрсетсеңіз болады.
Раушан Сайлауқызы
