Жаңалықтарды Telegram арнамыздан оқыңыз!Қызылордада дүркіретіп той-тойлайтындар тыйылар емес. Карантин талабына қарамастан жүздеген адамды жинап, отбасылық думанды шараларды өткізген 140 жеке тұлға әкімшілік жауапкершілікке тартылған.
Мына, ұлан асыр той демалыс күндері шаһардағы мейрамханалардың бірінде болған. Рейдке шыққан мобильді топ өкілдері тойдың үстінен түсіп, 150 адам жиналған шараны тоқтатқан. Елдегі тәртіпке бағынбай, ескертуді елемеген кәсіпкерлік нысан иесі мен қала тұрғынына әкімшілік хаттама толтырылды. Жалпы осы кезге дейін карантин режимін бұзушы заңды және жеке тұлғаларға 30 миллионнан астам айыппұл салынған. Бүгінде қала бойынша 14 мобильді топ жұмыс істеп тұр.
Бағлан Аманкелдиев, қалалық кәсіпкерлік, өнеркәсіп және туризм бөлімінің басшысы:Карантин режимін сақтамаған 133 тұлғаға әкімшілік хаттама толтырылды. 36 той иесіне әкімшілік хаттама толтырылды.
Әділбек Серікұлы
