Жаңалықтарды Telegram арнамыздан оқыңыз!Павлодар облысының Железин және Тереңкөл аудандарында да құс тұмауы тіркелді. Жаңақұрылыс, Ақтау ауылдарында 2 мыңнан астам құс қырылып қалды. Енді осы 2 ауылда карантин енгізіледі. Сондай-ақ, бұл елді мекендердегі барлық үй құстарының көзі жойылады. Ал иелеріне нарықтағы бағамен өтемақы төленеді. Сондай-ақ, Павлодардың іргесіндегі Кенжекөл ауылында да жол бойында құстардың өлекселері табылған.
Ольга Скокова, Кенжекөл ауылының тұрғыны:
- Аурудан қырылып қалған болар деп ойладым. Себебі өлексе өте көп болды. Олардың көзін жою керек. Иттердің барлығы айналаға тасып жүр. Ауру бүкіл ауылға жайылып кетсе сұмдық емес пе?!
Болат Аманбаев
