Жаңалықтарды Telegram арнамыздан оқыңыз!Өткен тәулікте әлемде 308 мыңға жуық адам коронавирус жұқтырып, рекорд жаңартылды. Мұны Дүниежүзілік денсаулық сақтау ұйымы мәлімдеп отыр. Және де соңғы 24 сағатта планета бойынша Covid-тан 5500-ден астам адам қайтыс болған. Жұқтырғандар әсіресе,Үндістанда, АҚШ-та, Бразилияда көп. Кешеден бері Үндістанда 94 мыңнан астам тұрғыннан қауіпті инфекция табылды. Ал, жер-жаһанда мұндай науқастардың жалпы саны бүгін 28 миллионнан асып отыр. Дүниежүзілік денсаулық сақтау ұйымының Еуропадағы аймақтық бюросының мәлімдеуінше, «Қарт құрлықта» күзде Covid-19 құрбандарының саны көбеюі мүмкін.
Ханс Клюге, ДДСҰ-ның Еуропадағы аймақтық бюросының директоры:
- Жағдай қиындайды. Қазан-қараша айларында біз бұл вирустан қайтыс болғандар көбейеді деп болжап отырмыз.
Ал, Ливанда орналасқан халықаралық контингент құрамындағы 90 жауынгер коронавирусқа шалдыққан. Олардың көбі - ганалықтар. Науқастанғандардың ішінде қазақстандық бітімгерлер жоқ.
Арыстан Рысбек
