Қостанай облысының тұрғыны Батырбек Қашқынбайұлы Ұлттық арнаың эфирі арқылы жедел жәрдем қызметкеріне алғысын жолдады. Ол біздің редакциямызға бейнехабарламаны ватсап мессенджері арқылы жолдады. Отағасы 22 шілде күні түнде жедел-жәрдем шақыруға мәжбүр болыпты. Себебі жұбайының жағдайы күрт нашарлаған. Көп кешікпей жеткен мамандар, науқасқа ауруханаға бару қажеттігін түсіндіреді.
«Әйелім ауруханаға барғысы келмеді. Алайда, жедел-жәрдем дәрігері Юрий Петрушин, дәл сол сәтте медицина мекемесіне барып ем қабылдаудың маңыздылығын оған түсіндіре білді» - дейді отағасы. Бүгінде оның жұбайы дертінен құлан таза айыққан.
Батырбек Қашқынбайұлы, Қостанай қаласының тұрғыны:
Міне, бүгін менің жанұямның төрт көзі түгел. Жедел жәрдем қызметкері Петрушин Юрийге сіздердің эфирлеріңіз арқылы алғыс айтқым келеді. Елеімізде осындай азаматтар көп болсын.
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Дәрігерге мың алғыс&mh_tags=Qazaqstan&mh_page=https://qazaqstan.tv/index.php/news/129912/)