1,6 млн-ға жуық қазақстандық 42 500 теңге төлемін алды - «Qazaqstan» Ұлттық телеарнасы

1,6 млн-ға жуық қазақстандық 42 500 теңге төлемін алды

24.07.2020
1,6 млн-ға жуық қазақстандық 42 500 теңге төлемін алды

Ағымдағы жылдың шілде айында шектеу шараларын енгізуге байланысты табысынан айырылған азаматтарға ең төменгі жалақы мөлшеріндегі біржолғы төлемдер тағайындау жалғасуда. ҚР Еңбек және халықты әлеуметтік қорғау министрлігінің мәліметінше, қазіргі таңда 1 млн 594 мың адамға қаражат аударылды.

Министрлік таратқан ақпаратқа сәйкес, біржолғы төлем алуға 2 миллионнан астам өтініш түсіп, 1 млн 661 мың адамға жәрдемақы тағайындалған.

МӘСҚ-тан төлем алуға өтінімдер бірнеше арна арқылы қабылданады. 2 миллионнан астам өтінімнің ішінде:

– 801,8 мың адам проактивті форматта төлем тағайындауға келісім берді;

– 499,4 мың адам Egov.kz порталы және Telegram-боттар арқылы;

 – 226 мың адам 42500.enbek.kz порталы арқылы;

– 494,3 мың адам екінші деңгейдегі банктердің мобильді қосымшасы мен интернет ресурстары арқылы өтініш берген. Азаматтардың санаттары бөлінісінде;

– 801,8 мың өтініш бірыңғай жиынтық төлем төлеушілерден берілді (проактивті форматта);

– 137,7 мың өтінішті жалдамалы қызметкері үшін жұмыс берушілер берді;

 – 1 млн 82 мың өтініш азаматтардың басқа санаттарынан келіп түсті (жеке кәсіпкерлер; жеке практикамен айналысатын адамдар; азаматтық-құқықтық сипаттағы шарттар бойынша табыс алатын жеке тұлғалар).


Хабарламаларға жазылу