Жаңалықтарды Telegram арнамыздан оқыңыз!АҚШ коронавирус жұқтырған адамдардың саны бойынша Қытайдан озды. Қазір онда 85 505 адам дертке шалдыққан. Коронавирустан қайтыс болғандар саны да өсіп, 1288-ге жетті.
АҚШ президенті Дональд Трамптың айтуынша, елдің коронавирус жұқтыру дерегі бойынша бірінші орынға шығуы адамдарға жаппай тестілеудің өткізілуімен байланысты. Нью-Йоркте 30 мыңнан астам адамға індет жұқтырды деген диагноз қойылды. Ал коронавирус жұқтыру оқиғалары АҚШ-тың 50 штатында тіркелген.
АҚШ Сенаты ел экономикасын қолдау үшін 2 триллион доллар бөлу туралы заң жобасын қабылдаған еді. Яғни, АҚШ-тың әрбір ересек тұрғынына 1200 доллар көлемінде біржолғы көмек беріледі деп болжануда. Сондай-ақ шағын компанияларға жалақы төлеуді қамтамасыз ету үшін қаржылық демеу көрсетіледі. АҚШ-та коронавирустың кесірінен жұмыссыздар саны рекордты 3,3 миллионға жетті.
bbc.com
