Жаңалықтарды Telegram арнамыздан оқыңыз!Эпидемиологиялық ахуалға байланысты Шымкент қаласында бүгіннен бастап барлық автобекеттер жұмысын тоқтатты. Ал теміржол бекеті мен әуежайдағы ахуал қатаң бақылауға алынды. Сондай-ақ бүгін шаһардағы балабақшалар да түгелдей жабылды. Сақтық шаралары күшейтіліп, қалаға кіріп-шығатын жолдардың бойына 12 блок бекет қойылды.
Қаладағы базарларда, сауда орталықтарында, автобустар мен қоғамдық орындарда дезинфекциялық жұмыстар күніне 2 рет жүргізілуде. «Ордабасы» индустриалды аймағындағы кәсіпорын күніне 400 тонна антисептик өнімдерін шығаруда.
Қоғамдық көліктер саны 25 пайызға дейін қысқарды. Ал халықарылық және қаларалық бағыттағы жолаушылар автобусының қозғалысына мүлдем тыйым салынды.
Ғани ҚАЛМАХАН
