Жаңалықтарды Telegram арнамыздан оқыңыз!АҚШ-та коронавирустың зардабымен күреске 2 триллион бөлінетіні белгілі болғанда мұнай бағасы бірден 3 жарым пайызға қымбаттады. Ал, «Брент» маркалы шикізаттың құны осыдан бірер сағат бұрын 2,4 пайызға өсіп, 27 доллар 80 центке жеткен.
Американың экономиканы ынталандыру жобасы акциялар нарығына да игі әсер етті. «Доу-Джонс» индустриалдық индексі 11 пайызға көтерілген. Бұл – 1933 жылғы «Ұлы күйзелістен» бергі ең жоғары пайыздық көрсеткіш.
Құрама Штаттармен бірге Азия биржаларында да мыңдаған компанияның бағалы қағаздарының орташа құнын көрсететін индекстер жоғарылады. Мәселен, Жапонияның «Никкейі» шамамен 2 пайызға, Сеулдің «Корея Композиті» 5 пайызға, Гонконгтің «Хансені» 3,2 пайызға қымбаттаған.
Арыстан РЫСБЕК
