Жаңалықтарды Telegram арнамыздан оқыңыз!«Жас Отан» елдегі әрбір оныншы студент сессиядан сүрінбей өту үшін пара бергенін жариялап отыр. Арнайы сауалнамаға 15 аймақтан 20-мыңнан астам студент қатысқан. Белсенділер Қазақстандық студенттердің жағдайын білу үшін 270 жатақхананы аралаған. Тексеріс нәтижесінде тұрмыстық жағдайы нашар 15 жатақхана анықталды. Жағдайы мүшкіл жатақханалар Алматы, Нұр-Сұлтан, Тараз, Петропавл, Орал, Қызылорда қалаларында орналасқан. Қазіргі таңда Қазақстан бойынша жатақханаға мұқтаж 250 мың студенттің 67 проценті ғана қамтылған. Қалғандарының мәселесі қаралып жатыр. Алдағы уақытта тағы 375 жатақхананың тұрмыстық жағдайы тексерілмек.
Ғабит БӨКЕНБАЙ
