Алматы әуежайында Қытайда таралған коронавирусқа байланысты оқу-жаттығу өтті

24.01.2020

Алматы әуежайында короновирус инфекциясының эпидемиялогиялық жағдайына байланысты оқу-жаттығу өтті.

Мамандар арнайы сценарий бойынша әрекет етіп, Ухань провинциясынан басы ауырып, жөтеліп, қалтыраған науқастан індет табылды деп күдіктенеді. Содан кейін олар әуе кемесіндегі экипаждардың көмегімен алғашқы санитарлық және жұқпалы дертке қарсы дер кезінде әрекет етіп, тиісті шаралар жүргізді. Жалпы, жаттығудан тыс әуежайдағы санитарлық бақылау пунктерінде жолаушылардың дене қызуын бақылайтын арнайы тепловизор орнатылған. Еске сала кетейік, осы күнге дейін Қытайдағы коронавирусты 830 адамның жұқтырғандығы анықталса, ауыр індеттен 25 азамат көз жұмған.

Бауыржан ЖАҚСЫМБЕТ


Хабарламаларға жазылу