Жаңалықтарды Telegram арнамыздан оқыңыз!Белгілі журналист, тележүргізуші, ҚР Инвестициялар және даму министрлігінің Ақпараттық қамтамасыз ету департаментінің директоры Берік Уәли бағдарлама қонағы болды.
Айта кетсек, журналист жексенбіден бастап Ұлттық арнадан көрсетілетін «1 студия» ток-шоуының жүргізушісі.
«Еліміздің басты арнасы – Ұлттық арна. «1 студия» бағдарламасы - саяси-қоғамдық ток-шоу. Бұл - үлкен аудиторяға арналған жаңа форматтағы саяси хабар. Басты арнадан саяси тақырыптағы ток-шоудың шығуы - үлкен жетістік.
Әр бағдарламаның қоғамда рөлі болуы керек. Тақырыптың еркіндігі болады. Қоғамның белсенді азаматтары эфирге шақырылып, оларға сөз ұсынылып, алаң беріледі. Мысалы, Әміржан Қосанов, Айдос Сарым, Абылай Мырзахметов, Дархан Қалетаев бағдарламаның алғашқы қонақтары болады.
Бұл бағдарламамен жаңа белестерге жетуге үміттіміз. Саяси бағдарлама болған соң оған артылатын жүк те ауыр. Шығармашылық топпен көрермендердің сенімін ақтауға тырысамыз», - дейді журналист.
