Жаңалықтарды Telegram арнамыздан оқыңыз!19 сәуір, сағат 19:00-де Қазақ Ұлттық өнер университетінің Ж.Жабаев атындағы концерттік залында ҚР Халық әртісі, Мемлекеттік сыйлықтың лауреаты Қайрат Байбосыновтың «Сыр сандық» атты антологиялық жинағының тұсаукесері өтеді. Осыған орай, әнші ертең «Таңшолпанға» сұхбат береді.
Сонымен қатар, Алматы студиясында әнші Ақылбек Жеменеймен әңгіме өрбімек.
Шахматтан Ұлттық құрама мүшесі Шолпан Жылқайдарова, ҚР АШМ Өсімдік шаруашылығы өнімдерін өндіру мен қайта өңдеу департаментінің сарапшысы Сағынтай Жұмажанов та ертеңгі бағдарламаға қатысады.
Бұдан бөлек, ойыншықтың бала психологиясына әсері, этнобизнес түрлері, Чехияда оқитын қазақ студенттерінің өмірі туралы қызықты сюжеттерді 07:00-10:00 аралығында Ұлттық арнадан көре аласыздар.
