Жаңалықтарды Telegram арнамыздан оқыңыз!«Павлодар» арнайы экономикалық аймағында «УПНК-ПВ» ЖШС зауытында мұнай коксын қыздыру технологиялық үдерісі іске қосылды, деп хабарлайды ҚазАқпарат.
Ұжымды атаулы оқиғамен облыс әкімі Қанат Бозымбаев құттықтады.
Жоба бойынша жалпы инвестиция көлемі 22,9 млрд теңгені құрады, кәсіпорында 320 адам жұмыс істемек.
УПНК негізгі шикізаты Павлодар мұнай-химия зауытында өндірілетін шикі мұнай коксы болады. ПХНЗ директоры Шухрат Дәнбайдың сөзіне қарағанда, зауытта қарашаның ортасында қуаттылығы жылына 280 мың тоннаны құрайтын шикі коксты өндіру бойынша құрылым іске қосылады.
Қыздырылған коксты «Қазақстан электролиз зауыты» АҚ сатып алмақ, деп атап өтті «Қазақстан Алюминийі» АҚ президенті Арман Есенжолов. Оның сөзіне қарағанда, бүгінде «Қазақстан электролиз зауыты» АҚ шикізатты Қытайдан жеткізіп жатыр. Кейін УПНК өнімі РФ мен Қытайға экспортталмақ.
Негізгі өнім - қыздырылған кокстан басқа УПНК электроэнергия мен гипс өндіруді де көздеп отыр.
