Таңшолпан. Киелі қарлығаш құсы туралы не білесіз?
13.05.2019
Қарлығашты қазақ халқы ежелден қасиет тұтқан. Өйткені, ол оба, тырысқақ, безгек секілді жұқпалы аурулар тараған жерге ұшып келмейтін көрінеді. Қарлығаштың өзге құстардан басты ерекшелігі – тұмсығы қысқа, сырт келбеті сүйкімді. Тұрқы шамамен 9-23 сантиметр, салмағы 10-60 грамм аралығында болады. Кейбір қарлығаштар сағатына 170 км жылдамдықпен ұшады. Басқа құстардан басқа айырмашылығы – құйрығы айыр болады.
Қарлығаш өте жақсы ұшады, тіршілігінің көп уақытын ауада ұшып жүріп өткізеді. Су үстінен ұшып бара жатып-ақ су іше береді. Ұшып жүріп қорегін ұстап жейді. Ұясы жарты ай немесе түбі кең, аузы тар құмыра пішінді. Жылына 1, кейде 2 рет 3-7 жұмыртқа салып, балапан басып шығарады.
Қарлығашты өте жақсы көретіндердің қатарында эстон халқы бар. Қарлығаштың 79 түрі бар. Қазақстанда оның 5 түрі кездеседі. Қарлығашқа қатысты елімізде ырымдар аз емес. Мысалы, қарлығаш биіктеп ұшса, күн ашық болады, ал жер бауырлап ұшса, жаңбыр жауады деп білген. Әулие қарлығаш туралы қандай қызықты деректер білесіз?
