Апта. Осы аптада Нұрсұлтан Назарбаев АҚШ-тың Сауда министрімен кездесті
28.10.2018
Америка құрама штаттары. Жаһанда жайдың атқан тасындай құдіретті, ықпалды һәм жуан мемлекет. Жалғанды жалпағынан басқысы келетін қанға сіңген алапат амбициясы бар. Бір елдерге кірпідей жиырылып, қырын қарайды, енді бірін құшақ жайып, жолдас санайды. Біреумен дос, біреумен қас. Табиғи ресурстарға бай елдерге қой көрген көкжалдай жұтына қарайтын қасиет, саясат – билікке тарпаң мінезді Трамп келсе де өзгерген жоқ. Сол баяғы АҚШ. Қанша сынағанмен, сыбағанмен, әлем мойындайды. Жаһандық саясатта ол лидер. Лидермен дос болсаң, төңірегің де тыныш.
