Ақпарат. Маңғыстаудағы кәсіби әскерилендірілген апаттық құтқару қызметі өз дайындықтарын пысықтады
28.02.2018
Мұнда 100-ден астам құтқарушы бар. Олар мұнай ұңғыларындағы апаттардың алдын алып, оқыс жағдайлар орын алған кезде бұрғышыларды құтқарады. Бұл жұмысқа екінің бірі шыдамайды. Мінсіз денсаулық пен мықты дайындық керек. 70-ке жуық мұнай компаниясымен бірлесе жұмыс істейтін кәсіпорында 40-қа жуық техника мен 300-ден астам құрал-жабдық бар. Осыған дейін құтқару қызметі ондаған апатты ауыздықтап, жүздеген адамды құтқарған.
