Ақпарат. Мәскеуде «Ұлы дала мұрасы: зергерлік өнердің жауһарлары» көрмесі ашылды
04.04.2018
Қазақ елінің ұлттық символына айналған – «Алтын адам» Мәскеуде. Ресей астанасында «Ұлы дала мұрасы: зергерлік өнердің жауһарлары» атты көрме ашылды. Бұл - «Әлем музейлері бойынша Алтын адамның шеруі» деп аталатын ауқымды халықаралық жобаның бір бөлігі. Енді мәскеуліктер көне алтын бұйымдар топтамасы мен Есік қорғанынан табылған сақ жауынгерінің бейнесін алдағы 1,5 ай бойы тамашалайды. Шараны Қазақстан Республикасының Ұлттық мұражайы, Қазақстанның Ресейдегі Елшілігі мен еліміздің Мәдениет және спорт министрлігі Ресей тарапымен бірлесіп ұйымдастырып отыр.
