Ақпарат. Павлодар облысында зиянкестерді құртуға 580 млн теңге жұмсалмақ
19.04.2018
Шыбын-шіркейді құртуға Павлодар облысы бюджетінен 580 млн. теңге қаржы жұмсалады. Қазірдің өзінде ғылыми топ бір шаршы метр жерде зиянкестердің 500-ден астам дернәсілі бар екенін анықтады. Олар қанаттанып кетсе үш есе көбеймек. Қансорғыштар ошағы негізінен батпақты жерлер және Ертіс өзенінің қос қапталындағы шабындықтар. Биылғы улау жұмыстары жылдағыдан ерте, яғни, сәуірдің 20-нан кейін басталмақ. Шыбын-шіркейге шағын ұшақтармен әуеден де дәрі себіледі. Биыл зиянкестерден тазаланатын аумақ 20 мың гектарға көбейді.
