Ақпарат. Өзін-өзі жұмыспен қамтығандардың салық төлеуі жеңілдемек
18.06.2018
Еңбек және халықты әлеуметтік қорғау министрлігі әзірлеген жаңа заң жобасының негізгі көздегені осы. Оған сәйкес, бірыңғай жиынтық төлем деген ұғым қолданысқа енеді. Ол бұрынғы жеке табыс салығы, зейнетақы жарналары, әлеуметтік төлемдер мен медициналық сақтандыруды біріктіреді. Өзін-өзі жұмыспен қамтығандар басқа кәсіпкерлер сияқты ресми түрде тіркелу, декларация толтыру секілді әуреден арылып, бір ғана төлеммен құтылады. Жаңа салықтың көлемі тұрақты. Қалада тұратындар үшін бір айлық есептік көрсеткіш, ауылдықтарға соның жартысы.
