Ақпарат. Балтық суларында улы балдырлар көбейді
02.08.2018
Балтық теңізі мен Финляндия көлдерінде соңғы бірнеше аптада улы балдырлар көбейіп кетті. Ғалымдардың сөзінше, бұған климаттың өзгеруі себеп. Қалыптан тыс ыстық ауа райы мен желдің болмауы, бұған қоса, тамақ өнеркәсібінде қолданылатын азот пен фосфордың судағы мөлшерінің шамадан тыс асуы да улы балдырлардың көбейіне жол ашып отыр. Ғалымдар қауіпті су өсімдіктерін жинап алып, олардың құрамын зерттеуге кірісті. Сонымен бірге, Польша, Швеция, Литва тұрғындарына балдыры көп суда шомылуға тыйым салынды.
