Ақпарат. Ақтауда ауыр халде жатқан сарбаздан менингококк инфекциясы анықталмады
04.10.2018
Медициналық талдаулардың қорытындысы оның іріңді менингит ауруына шалдыққанын көрсетті. Менингит жұқпалы емес. Десе де, науқас әлі есін жиған жоқ. Осы жағдайдан кейін әскери бөлімдегі 327 адамнан сынама алынды. Олардың ешқайсысынан менингококк анықталмады. Бірақ, 12 сарбаз жедел респираторлы вирустық инфекциясымен ауруханаға жатқызылған. Қазір жауынгерлердің жағдайы жаман емес.
