Ақпарат. Жолдауда мұғалімдердің мәртебесі туралы жаңа заң қабылдау мәселесі де көтерілді
08.10.2018
Президент Жолдауында әлеуметтік саладағы басым бағыттар түгел қамтылды. Оның ішінде ұстаздарға қатысты бірнеше тың бастама болды. Оның бірі ұстаз мәртебесі туралы заң болса екіншісі, тұрғын үйге қатысты жасалатын жеңілдіктерді айтуға болады. Білім және ғылым министрлігі жаңа білім стандартының енгізілуімен ұстаздар қатарының да жасарып келе жатқанын мәлімдеген болатын. Өткен оқу жылы тек орта білім саласында 296 мың 35 мұғалім жұмыс істеген. Тек Оңтүстік Қазақстан облысы мен Шымкент қаласында 60 481 ұстаз бар. Ұстаздар саны бойынша екінші орында - Алматы облысы. Онда 35 161 мектеп мұғалімі бар екен. Мұғалімдер саны бойынша алғашқы үштікте Жамбыл облысы, онда 21 673 педагог бар. Ал, мұғалімдер саны ең аз өңірлер Астана мен Атырау облысы. Астанада 8 454, Атырау облысында 9 858 мұғалім бар.
