Серік Қонақбаев өзін AIBA президенттігіне кандидаттар тізіміне енгізбені үшін спорттық арбитраж сотына шағымданды. AIBA президентінің міндетін уақытша атқарушы өзбекстандық бизнесмен Гафур Рахимовты ассоциация президенттігіне жалғыз кандидат ретінде тіркеген. Бұған дейін ұйым басшылығына Рахимов пен Серік Қонақбаев қатар ұсынылған еді. Бірақ, ол соңғы сәтте тізімге енбей қалған. Айта кетейік, Гафур Рахимов 2018 жылдың шілдесіне дейін Өзбекстан Ішкі істер министрлігінің іздеуінде жүрген.
