Президенттің Жолдауын халықаралық деңгейде талқылау жұмыстары да басталып кетті. Бүгін G Global тұғырнамасының негізінде конференция өтті. Оны Еуразия Ұлттық университетінің халықаралық қатынастар факультеті ұйымдастырды. Оған осы оқу ордасында қызмет ететін шетелік ғалымдар қатысып, Жолдауға қатысты пікірлерін білдірді. Әлеуметтік сала мен экономикаға маманданған ғалымдар Жолдаудың осы аталған тұстарын талқылады. Қатысқандардың ішінде шетелдік саясаттанушылар мен әлеуметтанушылар және сарапшылар болды. Конференцияны G Global тұғырнамасының тіркелушілері онлайн көруге мүмкіндік алды.