Ақпарат. Нұрсұлтан Назарбаев «Астана» ХҚО биржасындағы алғашқы сауда-саттықты бастау рәсіміне қатысты
14.11.2018
Бүгін Президент Нұрсұлтан Назарбаев «Астана» халықаралық қаржы орталығының биржасындағы алғашқы сауда-саттықты бастау рәсіміне қатысты. Ел тарихында тұңғыш рет «Қазатомөнеркәсіп» ұлттық компаниясының акциялары халықаралық нарыққа шығарылды. Жыл басында ғана ашылып, елорда күні қарсаңында ресми жұмысын бастаған «Астана» халықаралық қаржы орталығының бұл алғашқы қадамы деуге болады. Келер жылы тағы бірнеше отандық компанияның құнды қағаздары әлемдік нарыққа шығарылмақ.
