Ақпарат. Маңғыстауда 171 жер телімі мемлекетке қайтарылды
21.11.2018
Себебі, олар уақытылы әрі мақсатты игерілмеген. Бұл жөнінде әкімдікте өткен жер қатынастары бойынша жиында айтылды. Мұндай заңбұзушылық, әсіресе, Түпқараған мен Мұнайлы ауданында жиі кездеседі. Түпқараған бойынша 230-ден астам жер телімінің құжаты сотта қаралып жатыр. Жаңаөзен қаласында да 18 жер учаскесі бойынша сот процесі өтуде. Ал, Бейнеу ауданында заңсыз берілген жерлер мемлекет меншігіне қайтарылды. Осындай жағдайға жол берген лауазым иелері енді тәртіптік жауапкершілікке тартылады.
