Ақпарат. Геоақпараттық «Big data» жүйесі әзірленуде
27.11.2018
Келер жылы елорда тұрғындарының іс-әрекетін бақылауға мүмкіндік беретін цифрлық карта енгізіледі. «Big data» – геоақпараттық жүйе. Бұл жобаның арқасында адамдардың қай жерде тұратынын, оқитынын немесе жұмыс істейтінін білуге болады. Бұл мәліметті қай ауданда қанша аурухана, мектеп, жедел жәрдем станциясы қажет екенін анықтау үшін қолданылады. Бірақ, тұрғындар туралы жеке мәлімет белгілі болмайды. Бүгінде оқушылардың 80 пайызы мектепке тұрғылықты жері бойынша бармайды екен. Цифрлық карта осы сынды мәселелерді шешуге бағытталған. Жалпы, елорданы «ақылды» қалаға айналдыру үшін 2017 жылдан бері «Астана Innovations» жобасы 12 StartUp-байқау өткізді. 4 мың адам тың идеяларын ұсынып, олардың кейбірі қазір жүзеге асырылып жатыр. Болашаққа да жоспар аз емес.
