Ақпарат. Тегін дәрі-дәрмек алатын науқастар телефонға жіберілетін SMS-хабарлама арқылы ақпаратты растайды
15.01.2019
Өткен жылдың соңғы екі айында тегін дәрі-дәрмек алған науқастардың телефондарына 191 мың SMS-хабарлама жіберілген еді. Оның нәтижесі бойынша 2 881 адамнан жауап келді. Атап айтсақ, 441 науқастың дәрі-дәрмекті мүлдем алмағаны белгілі болды. Тағы 32 адам диспансерлік есепте тұрмайтыны анықталды. Препараттар шын мәнінде қолына тимеген пациенттерге SMS-хабарламаға жауап ретінде «0» цифрын жолдау немесе 1439 байланыс нөміріне қоңырау шалу ұсынылған болатын. Пилоттық жобаға қолдау танытып, кері байланысқа шыққан - Атырау, Қызылорда, Алматы облысы, Шығыс Қазақстан және Батыс Қазақстан облыстарының тұрғындары. Мамандар атамыш жобаны биыл да жүзеге асырмақ.
