Таңшолпан. Бірыңғай жиынтық төлемнің пайдасы қандай?
12.03.2019
1 қаңтардан бастап елімізде бірыңғай жиынтық төлем енгізілді. Ол өзін-өзі жұмыспен қамтушылардың әлеуметтік қорғалуын қамтамасыз етудің тәсілі. Қаңтар айында шамамен 3 мыңға жуық бірыңғай төлем төленіпті. Осы қаржы арқылы жинақтаушы зейнетақы жүйесіне қатысып, базалық зейнетақы төлемдерін ала алады.
Оның негізгі артықшылығы – салықтық тексерулердің болмауында. Бірыңғай жиынтық көлемі облыстық және респубикалық маңызы бар қала тұрғындары үшін 1 АЕК (2 525 теңге), ал басқа елді мекен тұрғындары үшін 0,5 АЕК (1 263 теңге).
Егер сіз жалдамалы жұмысшылардың еңбегін пайдаланбасаңыз, жеке тұлғаларға қызмет көрсетіп, жылдық табысыңыз 1 175 АЕК (2 966 875 теңге) аспаса, бірыңғай жиынтық төлем төлей аласыз.
Төлемді банк, терминал немесе онлайн түрінде жасауға болады.