Таңшолпан. Назарбаев зияткерлік мектебінің оқушылары көру мүмкіндігі шектеулі жандарға арналған «ақылды таяқ» ойлап тапты

Алматы қаласы Назарбаев зияткерлік мектебінің информатика және робот жасау пәнінің мұғалімі Мақпал Мұқанова «2017 жылдың STEM педагогі» атағының жеңімпазы. STEM – оқытудың біріктірілген тәсілі, оның шеңберінде академиялық ғылыми-техникалық тұжырымдамалар шынайы өмір контексінде зерттеледі. Бұндай тәсілдің мақсаты – мектеп, қоғам, жұмыс және бүкіл әлем арасында STEM-сауаттылықты дамытуға және әлемдік экономикадағы бәсекеге қабілеттілікке ықпал ететін нық байланыстарды орнату. Мақпал Мұқанова «Tansholpan»-ның қонағы болып, байқау, жобалары, жоспары туралы әңгіме қозғады. «STEM» байқауына көптеген елден барлық пән мұғалімдері қатысты. Олардың бізден айырмашылығы жоқ. Үлкені, кішісі болсын ынтамен жұмыс істейді. Бір ерекшелігі – бізде ғылым, технологияға жастар қызықса, ол жақта үлкен кісілер де қызығады. Біздің мектепте әлеуметтік маңызы бар жобаларға көп назар бөлінеді. Сондай жобалардың бірі – көру мүмкіндігі шектеулі жандарға арналған «ақылды таяқ». Таяқтың вибросенсоры бар. Ол адамға жай таяқшаға қарағанда неғұрлым үлкен көмек береді. Біздің мектептің тағы бір әлеуметтік жобасы - мүмкіндігі шектеулі мектеп оқушыларына көмек беретін мобильді қосымша. Демек, қолмен санауды үйрету және тіл қабілетін жоғарылату. Мобильді қосымша арқылы мүмкіндігі шектеулі мектеп оқушылары санауды үйреніп, тапсырмаларды орындайды», дейді қонақ.