«Бәрекелді!» - өнері мен өмірін халқы сүйген, ал мәртебелі мейманын ел мақтаған, әні мен әңгімесі жарасқан, ыстық естеліктер әуенмен өрілген сырлы да сазды студия. Бағдарламаның әр шығарылымы – жай концерт емес, музыканың тілімен сырласқан сұхбат.
Көрермен көзден таса болса да, көңілден кетпеген өнер иелерімен қайта қауышады. Олардың өткені мен бүгінінен хабардар болады. Сахна және сахнадан тыс өмірлері, қиындықтары мен қуаныштары бүкпесіз баяндалады.
Жоба мақсаты - ел таныған, ел сүйген тұлғаларды жаңа қырынан көрсету.Бұрын-соңды айтылмаған, байқамаған қырларын таныту. Жүрекжарды естеліктер, шабыт шақырған шығармалар, тағдырлы бұрылыстар жүргізуші мен кейіпкер әңгімесінің басты өзегі.
Жүргізуші: Айгүл Иманбаева
