Нұрсұлтан Назарбаевтың «Өмір өткелдері» атты кітабының тұсаукесер рәсімі өтті

Бүгін елордада ҚР Президенті Нұрсұлтан Назарбаевтың «Өмір өткелдері» атты сұхбат кітабының тұсаукесер рәсімі өтті. Салтанатты шараға ҚР Мемлекеттік хатшысы Гүлшара Әбдіқалықова, Парламент депутататтары, зиялы қауым өкілдері қатысты. Мемлекеттік хатшының айтуынша, еңбек ел Президентінің «Егемен Қазақстан» газетінің бірінші басшысы, қоғам қайраткері Сауытбек Абдрахмановқа соңғы жылдары берген сұхбаттарының топтамасы ретінде жарық көрген.

Кітапта Елбасы өзінің шыққан тегінен, балалық шағынан бастап, мектептегі, Днепродержинскідегі жастық жылдары, Теміртаудағы құрыш құйған шағы туралы әсерлі әңгімелейді.