Астанада құс шаруашылығы жәрмеңкесі өтеді

Елордада Қазақстан құс шаруашылығы одағы Астана қаласы әкімдігінің қолдауымен әр жұма күндері «Шапағат» сауда орталығында құс фабрикалары өнімдерінің жәрмеңкесі өтеді.

Жәрмеңкеде апта сайын 10-15 құс шаруашылығы өз өнімдерін ұсынады.

Осы жұмада Ақмола, Қостанай, Қарағанды, Солтүстік Қазақстан облысы, Алматы мен Шығыс Қазақстан облыстарының құс шаруашылықтарының өнімдері сатылымға шығады. Өнім сапасына қарай он жұмыртқа 100-150 теңге аралығында, ал құс еті 1 кг үшін 400-450 теңге аралығында болады.