Денис Тен жарыс жолына 20-шы реттік нөмірмен шығады

Қытайдың Шанхай қаласында мәнерлеп сырғанаудан Әлем чемпионаты өтуде.

Жарысқа Қазақ елі атынан тек Денис Тен қатысуда. Абзал Рақымғалиев және жұптық билеу жарысында сынға түсетін Ілияс Әли мен Карина Узурова іріктеуден өтпей қалған еді.

Кеше, 27 наурызда ерлер арасындағы қысқа бағдарлама сайысы аяқталды.

Оның қорытындысы бойынша 85,89 ұпай жинаған Денис Тен 3-орын иеленді. Ал, бірінші орында жапониялық Юдзуру Ханю (95,20 ұпай) тұр.

Қысқа бағдарламадан кейін 92,74 ұпай жинаған испаниялық Хавьер Эрнандес әзірге 2-ші келеді.

Қазір Әлем чемпионатында ерлер арасында еркін бағдарлама бойынша жарыс өтуде.

Cайысты «Қазақстан» Ұлттық телеарнасынан тікелей эфирде көре аласыздар.