Ұлттық арнада – Сәкен Майғазиевтің шығармашылық кеші

8 наурыз аналар мерекесіне орай танымал әнші Сәкен Майғазиевтің «Асыл ана» атты шығармашылық кеші өткен еді. Концертте әншінің бұрынғы әндерімен қоса, репертуарындағы жаңа әндері де орындалды.

Олардың қатарында «Ана туралы жыр», «Қартайма, жан ана!», «Арман жырым, аруларым», «Арман-ай»,  «Кел, белейік», «Сені ойлаймын», «Сағыныш сазы», «Тек сені ойлаймын», «Достарым», «Сағым», «Қараторғай», «Өмір – заң» және басқа да көптеген әндер бар.

Шығармашылық кеште Алтынай Жорабаева, Мәдина Сәдуақасова, Маржан Арапбаева, сондай-ақ, «МузАРТ», «МелоМен», «Парасат» және «Арай» топтары өнер көрсетті.

Әншінің концертін бүгін Ұлттық арнадан сағат 21.50-де тамашалай аласыздар.